Inicio » Sobre Nós » Visión

Visión

Visión

La Formación, la Investigación y l’Innovación sedrán les exes de referencia de les persones (xurídiques y físiques) como mecanismu d’adautación a una Sociedá en cambéu esponencial. Esta situación demandará:

  • Currículums dinámicos ya individualizaos empobinaos a la emplegabilidá y a les necesidaes de la sociedá
  • Nuevos axentes educativos implicando a toles fuercies vives de la sociedá
  • Sistemes de comunicación xeneralizaos
  • Desendolcu activu de la creatividá y el talentu
  • Encontu teunolóxicu accesible pa toles persones
  • Accesu abiertu a la información y la conocencia

La formación sedrá continua, en cualesquier momentu, en cualesquier llugar y a cualesquier edá. Los ciclos d’aición-formación-aición asocederánse a lo llargo de la vida de les persones pa dotales de les competencies necesaries nes sociedaes emerxentes.

Les modalidaes de formación presencial, virtual y a distancia combinaránse de múltiples formes en función de les necesidaes, demandes y espeutatives de les persones físiques y xurídiques.

El retu decisivu nel tiempu viniente va ser meyorar les habilidaes de les persones p’antemanase a un entornu social, llaboral y personal en cambéu continuu y fortalecer 3R: Razonamientu (pensamientu analítico-críticu y capacidaes d’igua de problemes), Resiliencia (competencies pa la vida, casu de l’adautabilidá y l’autonomía) y Responsabilidá (sabiduría o intelixencia aplicada, creatividá y la conocencia empuesta al bien común). Los pegollos de la educación destacaos por Delors (1996) Deprender a Conocer, Deprender a facer y Deprender a Ser han complementase con Deprender a Cambiar y Deprender a Aceutar el Cambéu fortalez la Formación a lo llargo de tola vida y revitaliza la Investigación y l’Innovación Educativa (Álvarez-Arregui, 2017).

La focalización de l’atención nes capacidaes de pensamientu d’orde superior, nos resultaos de deprendimientu fondos o nes capacidaes complexes de pensamientu y comunicación, ente otres, lleven arreyada una “revolución” de les competencies. P’aquelles persones que nun participen plena, satisfactoria o voluntariamente nel procesu afitaránse sistemes d’inclusión, recualificación y atraición.

Los países han contribuyir a xenerar una reserva mundial de conocimientos especializaos pa meyorar el deprendimientu nel sieglu XXI iguando aliances orientaes a superar les situaciones problemátiques situacionalmente polo que tamién habrá tener en cuenta a la ciudadanía afitando aliances y coaliciones rexonales que tengan en cuenta los contestos y necesidaes llocales, institucionales y comunitaries.

 

Enllaces rápidos