Inicio » Investigación

Investigación

L’Institutu d’Investigación ya Innovación Educativa (INIE) ye una de les ferramientes que pon la Universidá d’Uviéu al algame de la Comunidá Autónoma del Principáu d’Asturies sobre manera, y de la Sociedá, en xeneral, pa trabayar y antemanar situaciones problemátiques, demandes, necesidaes y espeutatives de les persones físiques y xurídiques na temática que ye de so, LA INVESTIGACIÓN EDUCATIVA.

L’Institutu d’Investigación ya Innovación Educativa (INIE) entámase como espaciu d’alcuentru y proyeición de les múltiples perspeutives temátiques y metodolóxiques venceyaes a la Investigación Educativa.

L’INIE ta íntimamente rellacionáu col contestu del programa de doctoráu na Universidá d’Uviéu darréu que desendolca’l Programa de Formación Tresversal Internacional pa los 25 programes qu’hai nesta institución anguaño y qu’aumentarán pal cursu académicu qu’entra. Per otru llau, l’INIE ta coordinando un programa de doctoráu online nel que participen el Grupu d’Universidaes G-9, colo que la ufierta formativa d’estes instituciones d’Educación Superior ameyorará.


PROYECTOS Y PROMOTORES

L’Institutu d’Investigación ya Innovación Educativa (INIE) al traviés del ecosistema rellacional que va construyendo participa, collabora y promueve:

  • Proyeutos d’Investigación y/o Innovación Educativa entamaos dende los Programes de Grau y Máster de la Universidá d’Uviéu col aval del INIE dientro de los convenios que s’afiten ente la Universidá d’Uviéu col Gobiernu del Principáu d’Asturies, colos Conceyos, con empreses, etc.
  • Proyeutos d’Investigación y/o Innovación Educativa entamaos dende los Programes de Doctoráu de la Universidá d’Uviéu col aval del INIE dientro de los convenios que s’afiten ente la Universidá d’Uviéu col Gobiernu del Principáu d’Asturies, colos Conceyos, coles empreses, etc.
  • Proyeutos d’Investigación y/o Innovación Educativa entamaos por grupos d’Investigación y Anovamientu Acreitaos y surdíos de la Universidá d’Uviéu.
  • Proyeutos d’Investigación y/o Innovación Educativa entamaos por Equipos / Grupos dientro de los convenios que s’afiten ente la Universidá d’Uviéu col Gobiernu del Principáu d’Asturies, colos Conceyos, coles empreses…
  • Proyeutos d’Investigación y/o Innovación Educativa ad hoc entamaos dende’l INIE venceyaos a les Llinies Estratéxiques de la Universidá cola participación de los gobiernos, colos Conceyos, les empreses…
  • Proyeutos y Congresos d’Investigación y/o Innovación Educativa entamaos dende la Rede estatal d’Institutos onde ta inxertu l’INIE.

GRUPOS D’INVESTIGACIÓN

Los grupos d’investigación acreitaos na Universidá d’Uviéu que trabayen en temes educativos y de formación en dalguna de les sos llinies son 26, magar qu’esti númberu camuda porque a esti ámbitu van inxertándose progresivamente equipos de les estremaes estayes de conocencia y tamién hai grupos emerxentes. Poro, dende l’Institutu d’Investigación Educativa llevóse alantre una estratexa pa integrar de xeitu progresivu los grupos d’investigación educativa que tean interesaos n’inxertase nel INIE.

Na primer fase, nos cursos 2017-2018 y 2018-2019 integráronse doce grupos acreitaos d’investigación de les estremaes estayes de conocencia y un equipu d’investigación multidisciplinar.

Na segunda fase qu’escomenzará nel cursu 2018-2019 va contautase col restu de los grupos d’investigación educativa pa fortalecer el nuesu sistema de xestión de la conocencia remanecida de la investigación y promover l’innovación educativa na Universidá d’Uviéu, na nuesa Comunidá Autónoma, a nivel nacional ya internacionalmente al traviés de dellos convenios de collaboración y desendolcu que tenemos soscritos con instituciones, redes y plataformes internacionales d’investigación ya innovación educativa.

Anguaño tán rexistraos 12 grupos d’investigación educativa qu’integren a más de 150 investigadores a los qu’hai qu’axuntar les cátedres, los representantes de clústeres ya instituciones que collaboren y que presentamos de mou esquemáticu nos apartaos correspondientes d’esta web.

Enllaces rápidos