Inicio » Tresferencia-Innovación

Tresferencia-Innovación

L’INIE esparde la conocencia educativa que xeneren los grupos d’investigación y les cátedres. Los investigadores collaborarán con esta institución apurriendo los resultaos del so llabor col envís de contribuyir a la meyora de la educación per aciu de l’adautación d’estos resultaos a los sos oxetivos.

L’INIE mediará ente los grupos d’investigación y les entidaes o profesionales pa que puedan emplegar los resultaos espardíos, faciendo un usu éticu y responsable d’ellos dende la teoría, la práutica y/o la investigación.

Con esti plantegamientu, l’INIE inxer la tresferencia de la conocencia integrando d’esti mou la so misión institucional na de la Universidá d’Uviéu dende l’aplicación efeutiva del cambéu de la Llei Orgánica d’Universidaes de 2007.

La marcación llegal como referente a siguir nel ámbitu de les ciencies sociales y humanes:

  • Empobínase a los estremaos axentes del rodiu socio-educativu, políticu, cultural, empresarial ya institucional (gobiernos europeos, central y autonómicu, diputaciones, alministraciones llocales, empreses públiques y privaes, organizaciones non gubernamentales. Otres universidaes…)
  • Promueve la meyora de la educación y, con ello, de la calidá de vida de la ciudadanía y aboga pol progresu económicu y social pero tamién pol desendolcu responsable, equitativu y sostenible.
  • Acompaña, asesora y forma en cualquier tipu de procesu d’aplicación d’una nueva teunoloxía nel ámbitu educativu que seya d’interés o que se-y pida.
  • Crea intercambeos ente los productores de conocencia, los promotores de proyeutos, los inspiradores d’innovaciones, los usuarios destinatarios y los responsables de la formación.
  • Da cumplimientu a lo qu’afita la Llei Orgánica d’Universidaes como tercer misión de la Universidá, la tresferencia de conocencia y de teunoloxía a la sociedá dende la responsabilidá social corporativa.

 L’Institutu d’Investigación Educativa (INIE) vien sofitando y afitando la tresferencia de conocencia dende estremaes aiciones: espublizando la conocencia y l’innovación educativa en webs (UO, INIE, Educastur…); facilitando l’accesu a bases de datos propies y esternes, espublizando les resultancies de la investigación en revistes como Aula Abierta o Magister ya informando de proyeutos, investigaciones, formación ya innovaciones dende boletinos propios, de los clústeres, de les estremaes conseyeríes del Gobiernu del Principáu d’Asturies, dende’l Centru Européu d’Empreses ya Innovación...

Tamién ta sofitando y promoviendo xornaes y congresos venceyaos a la innovación educativa, preséntense diferentes aiciones y proyeutos dende la televisión, la radio, les redes sociales, la prensa, les publicaciones de llibros, etc.

Enllaces rápidos