Inicio » Formación

Formación

La Sociedá, la Universidá y la Educación reinterpreten la so rellación a lo llargo de la historia acordies colos condicionantes económicos, sociales, estructurales, teunolóxicos, políticos y funcionales que s’axunten, bilten y s’entetexen situacional y temporalmente.

Anguaño, énte los cambeos que se producen de contino en tolos ámbitos, la formación permanente convirtióse nun referente obligáu pa toles persones y organizaciones en xeneral y, sobre manera, pa los y les profesionales y pal estudiantáu nes instituciones d’Educación Superior.Les demandes y les espeutatives crecientes d’estos coleutivos na Universidá d’Uviéu tán cubriéndose dende distintos vicerrectoraos y estayes.

Nel casu del Institutu d’Investigación ya Innovación Educativa tamos diseñando y poniendo en práutica un modelu dinámicu y flexible de formación que ye oxetu d’una revisión continua p’adautalu, basáu nes nueses posibilidaes, nes necesidaes, nes circunstancies, nes espeutatives de los demandantes y nel impautu que xeneren nos usuarios. Nos tres últimos años punxéronse en camín estremaos programes de formación que puen consultase na Programación Xeneral y nel menú d’esta páxina web.

Enllaces rápidos