Inicio » Aula Abierta » Historia

Historia

Aula Abierta nació nel añu 1973 col oxetivu d’acoyer publicaciones de calter educativu.

La revista tenía de primeres periodicidá trimestral y el so direutor yera’l profesor Tomás Recio. En 1979 pasó a tener periodicidá cuatrimestral; ente 1984 y 1988 alternen la periodicidá cuatrimestral y la semestral afitándose esta postrera dende 1989.

Nel añu 1993 espublizóse un númberu conmemorativu de los 20 años presentáu pol Rector de la Universidá d’Uviéu daquella, el profesor Santiago Gascón que remarcó, primero de too, el fechu de qu’Aula Abierta, que naciere con un marcu xeográficu rexonal, pasare a ser revista d’espardimientu nacional ya internacional.

La revista Aula Abierta foi evaluada pol Content Selection & Advisory Board (CSAB) de Scopus y, a lo cabero, aceutada pal so inxertamientu nesta base de publicaciones. Scopus ye una de les principales bases de publicaciones a nivel internacional, colo que la revista llogra enanchar el so espardimientu y prestixu.

Aula Abierta ye una revista científica qu’espubliza l’Institutu d’Investigación ya Innovación Educativa de la Universidá d’Uviéu y edita cuatro númberos al añu: xineru, abril, xunu y ochobre.

Anguaño, toos aquellos y aquelles investigadores que quieran espublizar les sos aportaciones científiques nel campu de la Educación tienen abiertes les puertes de la nuesa revista. Los artículos han ser inéditos, tener calter empíricu o teóricu, tar escritos n’español o inglés principalmente y ser relevantes pa los coleutivos profesionales a los que va empobinada la revista.

Enllaces rápidos